மரபுப் பாக்கள் - தொகுதி 11
32) கடலாய் மனத்தை விரி.
கழி நெடிலடி ஆசிரிய எழுசீர் மண்டிலம்.
(மா+மா+மா+மா-
மா+மா+காய்)
காற்றும் மழையும் கலந்தே அடித்தும்
கலங்கா அந்தக் கடல்போல,
ஏற்றம் இறக்கம் என்று வாழ்வில்
ஏது வந்தும் கலங்கிடாதே!
தூற்றல் போலத் துன்பம் ஓர்நாள்
துவண்டே அழியும் துணிவுபெற்று,
நாற்றம் தரும்நன் மலர்போல் யாவர்க்கும்
நன்மை செய்தே மகிழ்ந்திருப்பாய்!
----------------------------------------------------------------------------------------------------------------------------
33) காத்தல் கடனே.
கழி நெடிலடி ஆசிரிய எழுசீர் மண்டிலம்.
(மா+மா+மா+மா-
மா+மா+காய்)
பெற்ற பிள்ளை நலமாய் வளரப்
பேணிக் காத்தல் பெற்றோர்க்கு,
பெற்றோர் நலமும் பிந்நாள் தன்னில்
பெரிதும் காத்தல் பிள்ளைக்கு,
உற்ற கல்வி உவந்தே அளித்து
உயர்த்தல் கல்வி யாளர்க்கு,
சற்றே அவர்தம் கடமை உணர்ந்தால்
சார்ந்தே வாழ்வும் சிறந்திடுமே!
------------------------------------------------------------------------------------
