அன்பு ஜெயாவின் மரபுப் பாக்கள்

மரபுப் பாக்கள் -  தொகுதி 1 

நிலைமண்டில ஆசிரியப்பா

“கல்லால் நிழலில் கனிவோ டமர்ந்து

நல்லார் நால்வர்க் குஞான போதச்

சொல்லாம் அமுதைச் சிறப்போ டளித்தாய்

எல்லா உயிரும் ஏற்றம் பெறவே!”

                         --------------------

01. அன்பே வெல்லும் கருவி.

நிலைமண்டில ஆசிரியப்பா.

பார்க்கும் இடமெலாம் பாழும் போரெனில்

ஆர்த்தெழும் இளையோர் ஆருயிர்ப் போகுமே!

பாரெலாம் சிறந்திடப் பற்றுவோம் அமைதியைப்

போரெனும் சொல்லே போயழி யட்டுமே!

 02. ஆற்றலை வீணடிக் காதே!

நிலைமண்டில ஆசிரியப்பா.

உன்னைநீ யறிவாய், உன்னுள் புதைந்தே

உன்னைக் காக்கும் உன்திறன் நீயுணர்;

நன்றாய் வெற்றியை நாடொறும் தந்திடும்,

நன்றே போற்றுவர் நண்பருந் தானே!

03.  இல்லற வாழ்வைச் சுவை.

நிலைமண்டில ஆசிரியப்பா.

இல்லறம் என்பது இன்பம் தந்திடும்

நல்லறம் என்பதோ நம்மை உயர்த்திடும்

இல்லறம் பேணுவோம் இனிது வாழவே,

நல்லறம் பேணிட நற்கதி தானே!

-----------------------------