அன்பு ஜெயாவின் மரபுப் பாக்கள்

மரபுப் பாக்கள் - தொகுதி 3

7) எளிமை நேர்மை 

இணைக்குறள் ஆசிரியப்பா

காலமும் வேளையும் காத்திரா தென்பதை

ஞாலமும் நமக்குச்

சாலவேக் காட்டுதே

ஞாலந் தன்னிலே ஞாயிறாய்ப்,

பாலமாய், நேர்மையாயப் பாங்குடன்

காலமும் எளிமையாய்க் காப்புடன் வாழ்வமே!

8) ஏற்றங் காண உழை

இணைக்குறள் ஆசிரியப்பா

தோற்றம் மட்டுமே தோழமைத் தருமோ

ஏற்றம் பெற்றிட

போற்றும் உழைப்பினை

ஏற்றமாய் அளித்திடில் ஏற்பரே,

வேற்று மாந்தரும் வேண்டுவர்

ஏற்றமோ டுன்னையும் என்றும் விரும்பியே!

9) ஐயம் அகற்றல் உயர்வு

இணைக்குறள் ஆசிரியப்பா

உன்னை யறிவோர் உன்குண முமறிவர்

தன்னையு மறிவர்

பின்னும் ஐயமேன்?

உன்னுளந் திறந்தே உரைத்திடில்

என்றுமே ஐயமும் எழாதினிக்

கன்னலாய் உறவும் கனிந்துத் தொடருமே!

-----------------------------------------