ஓடி உழைத்தே உயர்
- அன்பு ஜெயா, சிட்னி
(பா வகை: நேரிசைப் பஃறொடை வெண்பா)
உழைப்பவர் என்றும் உலகில் உயர்வர்
உழைப்புதான் உன்னை உயர்த்தும் – உழைப்பாய்
உழைப்பால் உயர்ந்தோர் உலகில் பலரே
உழைத்திடின் போற்றுவர் உன்னை - தழைத்திடும்
உன்னுடைய வாழ்வும் உணர்ந்திடு நன்றாக
என்றும் நலம்பெருக ஏற்றிடுவாய் – உன்மனதில்
நாட்டில் உழைப்பால் நலம்தான் பெருகிடும்
ஏட்டினில் என்றோ எழுதியே - காட்டினர்
நாட்டினைக் காப்பதும் நல்வாழ்வு ஓங்குவதும்
பாட்டாளி கையிலே பாரினில் – நாட்டமுடன்
ஓடியாடி நாளும் உழைப்போர் உயர்வரே
ஓடி உழைத்தே உயர்!
--------------------------------------------
